مسجات ليبية

موضوع: مسجات ليبية 2008-06-12, 6:20 pm

السلام عليكم

أكتر نوع يعجبني من المسجات هو مسجات الشعر الشعبي

فكل من عنده مسج شعبي يكتبه وأنا كل مرة حنكتبلكم مجموعة

...............................

انسلم عليكم يا بعاد الجوبة.. على قد موج البحر والرمل بالحثروبة..

ما هناك غير الجثة والعقل متقسم شظايا ستة.. في غيبتك

زعلان منك خاطري يتألم.. تخطم على رقمي ولا تتكلم.. قلبي وعيني.. غيابك عليهم دوم ما يرضيني.. لين تعتذر وتجيني.. ونسكت على جرح الزعل ونسلم..

حتى كان سلامك رنة سلمك نشادة يا حنة.. ونا ميت نرجى في رنة غير عزيز قليل محنة..

غلاكم ما عندا ميزان .. يفيض حنان .. يخلي إلي فارغ مليان..

لي عين تسكب كما السيل.. ولي قلب كاثر خيابه.. والليل يا مطول الليل.. على الي مفارق أحبابه..

سلام العين للعين والعين ما تصبر بلاكم.. سلام القلب للقلب والقلب ينبض بغلاكم.. سلام الروح للروح والروح دائما معاكم..

عزاز وتنعزو .. سوا تقطعو ولا كل يوم ادزو.. غوالي وغلاكم فوق ما تنهزو..

مش كل من غاب نحسب له ويشغل الخاطر غيابه.. ولا كل منحاز نتعب له ونقصد ادياره وبابه.. ولا كل ميعاد نرغب له وتغريني جلسة اصحابه..

عليك ننشدو يا واحشنا.. راهو غيابك شين ومغششنا...

وين الزمان يهدك حتى قريب الدم يبقى ضدك والناس تنسى هيبتك وتردك تحبس الدمعة تغلبك وتسيل والغدر واعر يقهرك ويعدك وتلقى المحبة كلها تمثيل..

مانك هاين سواء غبت و الا عالنواظر باين قدرك كبير معاى او مانك هاين
----------------------

دونك اليها تشكيلك لا عارفة ترجاك لا تمشيلك العين رايفت
---------------------------------

قسمو على لولاف تموح بين ايضيع اوبين ايروح
-----------------------------------

ديما خايف ايضيع الغلا وانموت غير حسايف وحق من خلقنى كل يوم انرايف
---------------------------------------------

ماهو بطوعى غلاكم تمكن فى صميم ظلوعى مشتاق خاطرى
-------------------------------------

الله لا يغيبهم اللى ينشدو من غير ما نعاتبهم الناس اللى عليه عزاز
-----------------------------------

كيف الصينى اتضيق بلاك العين يا ناسينى من غيبتك تميت كيف الصينى
-----------------------------------------

مانك صافية الناس كلها فوق الواسايد غافيه وانتى سامرة يا عين
---------------------------------------------

يلى جميل اسلوبك افعالك سقيمه وخاليات اغيوبك
----------------------------------

يلى حنانك ميزه طبع المحبه اتقول فيك غريزه الله يسعدك
-----------------------------------------------

فوق الرموش انشيله عزيز قرعته فى القلب موش قليله من دون العرب
-----------------------------------------

سلامى اندزه من صميم النيه لكم يا كبار القدر يلى اتعزو بصحيح عليه

لو كان مانك غالي لا ندورك ولا نحسبك في بالي.. ولو كان مانك زين ولو كان مانك من عرب زينين.. ولو كان مانك خير من الاخرين.. ما كانت عيوني بالدموع تعاني..

يلي علي حنون.. مرايف على حضنك ارياف جنون.. اليوم خاطري..

وينك لا طاري لا جره.. عقلي ضره.. تقطيع اخبارك بالمره..

ما كيف ودك ود.. ولا يزاحمك وسط الخواطر حد.. يا قلب نابض بالوفا ممتد..

تحسابه غلاك شوية.. بعد السما عالارض كيل هيا.. وشوف كم يا غالي غلاك عليا..

ديما غاليين.. لكم كل يوم شايلنا حنين.. يا غياب لكم قدر ومعزه.. ولكم شوق فايض شن يحزه.. ولكم ود راسخ ما يهزه طول البعد وانتم عارفين..

مرايف عليكم خاطري شقاني وانتم عليا ابعاد يا حباني نبي انجيكم ونشوفكم بالعين ونشاكيكم مشتاق راني من زمان عليكم من شوركم حتى خبر ماجاني..

حاير دليلي فيكم.. لا قدرت نصبر لا قدرت نجيكم.. شاغلين خاطري..

مهما علي تغيب والايام تبعد بيا.. قاعد معاي قريب ما هنت يا غالي عليا..

بلاك دقيقة... اعزومي على صوبك الحق رقيقة... ما قدرت ولا نقدر بلاك دقيقة...

طولت فالجية اشتقنالك.. زعم نخطرو ديما على بالك.. وانت بعيد افكارنا كل يوم ترحلك.. وانت بعيد ازهارنا تنشد على ظلك.. من البعد ما مليت.. ولا عليه خديت.. صابر هنيالك.. اشتقنالك..

امرار قربكم.. ومصعب امرار جفاكم.. بيكم تعبنا وتاعبين بلاكم..

مازلت شايلك مقام كبير ومازلت كي تخطر عليا نحير ومازلت لك مشتاق ومازلت كي تخطر انزيد اشواق ومازال ما يحلى بلاك مذاق ومازال من غيرك الحال ضرير مازلت شايلك مقام كبير...

وحق من خالق الليل ماني على العين ماوي نريد دمعها ديما ايسيل من حيش نومها بات شاوي مو كل حد ياخد الدليل ولا كل بكاي غاوي لا كل ميت عليل ولا كل منشاب كاوي نلقان فقدكم يا خواتي مرض شين ماله امداوي..

عليكم عيني ماتت موت ....ارياف وتنهيد بلاصوت

******
لين امعبا ايريد حضنكم يرتاح فيه ايكبه ........مليان خاطري من الشوق لين امعبا

*********

مامن دموع وعبره ........... امرايف عليك العقل فاقد صبره نين ينظرك

***********

اغيابك داير جو قلق ...... النوم سرق......اتريد الحق......امخليني نمشي ماانحق

***************

نشدني كنك ... تحشمت في قولت امراضي منك...عزيز وين لاقاني

طشه طشه لو تفتح مخازن خاطرى وتخشه تلقى غلاك كل يوم ايزيد طشه طشه
-----------------------------------------

يعلم الله بشوقى ويعلم الله بلاكم حاسات اخلوقى يلى غلاكم فات كل حدودى
-----------------------------------

مالقيت امداوى ولا لقيت من يفهم ظروف الغاوى عزيز غيبته دارت معاى فجاوى
---------------------------

اندير بعدهم حتى ان كان ما قسمو الله يسعدهم غلا جديد ما ظنى اندير بعدهم
---------------------------------------

جهلت اسبابه .. لا انا عرفته لاخيالى جابه .. سر الغلا فيكـَم .. جهلت اسبابه !
.............

ذابت ذابت ,, لا عارفة تنساك لا تشقابك,,يا نويرتي عالكبد ذابت ذابت.

شاطر شاطر.......خذيت الروح تعال خوذ الخاطر...كلمة الحق تنقال ...شاطر شاط

ان شاءالله تعجبكم

موضوع: رد: مسجات ليبية 2008-06-12, 10:27 pm

السلام عليكم
شكرا اخي (( ليــــــــــــــــــــــــــــــــــــــــــــــــــــــــبيا ))

علي المسجات الرائعة
بس الي عجبني اكثر واحد هو

تحسابه غلاك شوية.. بعد السما عالارض كيل هيا.. وشوف كم يا غالي غلاك عليا.

واصل تميزك
ولا تحرمنا من جديدك

نريدك انشوفك مشرف والاشراف يريد همة

موضوع: رد: مسجات ليبية 2008-07-13, 2:16 pm

مشااااااااء الله عليك مسجات من الدرجة الاول
بارك الله فيك .

موضوع: رد: مسجات ليبية 2008-07-13, 6:02 pm

شكرا لعي المسجات الرائعة أخي ليبيا

تحياتي ليك

موضوع: رد: مسجات ليبية 2008-07-18, 11:35 pm

شكراً على المسجاااااااااااااااااااااااات الحلوة

وعجبنى اكثر المسج الثالث

Twisted Evil

موضوع: رد: مسجات ليبية 2008-07-27, 7:21 pm

السلام عليكم ورحمة الله وبركاته
حلووووووووووووووووووووووووة ورائعة ................ومزيد من الابداع والتميز
اكتر مسج عجبني /بلاك دقيقة .......عزومي على صوبك الحق رقيقة ....ما قدرت لا نقدر بلاك دقيقة
ولك مني/زاد بشاشة وين ما رقمك ضهر ع الشاشة ..الخاطر زادك غلا بالحيل ......وزاد بشاشة
نعطي الغلا باقدارا ...وزاد الوفا واجب وموش خسارة ......للي يستاهلو
ولك تحيلتي واماني بالتوفيق

موضوع: رد: مسجات ليبية 2008-07-28, 4:30 pm

السلام عليكم
مشكور اخي ليبيا علي المسجات الحلوة

تشغل فيها...عارفها تودك ما تغيب عليها....عيني حرام عليك تشغل فيها
قالولي؟ حبيب القلب بعيده داره...قلت يستاهل محبتي مش خسارة....قالو بالبعد حبكم ينتهي مشواره...قلت نحبه لين نلمس تراب القبر و غباره

مع ارق تحياتي
نقطة حبر

موضوع: رد: مسجات ليبية 2008-08-03, 5:44 pm

السلام عليكم
مسجاتك رائعة وزاد كتبت بعضهن وارسلتهن لصديقاتي
واليك مني
اعزاز يعزو ...معزة معاها في الكنين يهزو اصحاب الغلا .....ديما اعزاز يعزو
مع تحياتي

موضوع: رد: مسجات ليبية 2008-08-14, 8:30 pm

السلام عليكم
يسلم عليك العمر وسنينه يسلم عليك القلب واشواقه.....يلي غلاكم فرح ويزينه طبع الوفا والزين لاصحابه
مع تحياتي

موضوع: رد: مسجات ليبية 2008-08-19, 7:13 pm

السلام عليكم
كيف اندير وعيونك خذني ....رحلت بعيد مع همس المشاعر ..كيف اندير وشواقي شجني ...القلب اختار وعقلي قال حاضر
مع خالص امنياتي للجميع